'O mercato

‘O martedì ‘e mmatine ‘int’’o rione

Ce sta n’appuntamento ‘a nun mancà

Si vuo’ n’affare o sul’ pe’ guardà

Nu giro int’’o mercato è tradizione.

‘E ‘llucche ‘e ssiente d’’a matina ambressa

Robba bella, robba bbona, pigliate!

N’ata offerta accussì nunn ‘a truvate!

Si nunn’approfittate site fesse!

Sotto ’o sole, cu’a folla e c’’o burdello

E sempe annanz’’e piede ‘e ccarruzzine

Ognuno s’allamenta p’’a ammuina

Però se guarda tutte ‘e bancarelle.

Nun sulamente da Secondigliano

‘Nce truove a spasso ‘e mmamme cu’e figliole

Aropp’ lasciate ‘e creature a scola

Pure ‘a Casoria, Cas’vatore, Arzano.

E pure mo’ ca sto in terra straniera

‘A pecundria me vene d’’a matina

Pensanno a mmamma, a sorema e ‘a ammuina

‘E chist’evento ‘o Rione Berlingieri.

Poste, gente e abitudini song’ate

E ccà pure ‘sta cosa mo' me manca

Ma ancora ‘o martedì addo’ vaco vaco

Sempe rimmane ‘o juorno d’’o mercato.

Immacolata Sarnataro

Il mercato

Traduzione pseudo-artistica

(Aggiunta del 14/07/2010)

Di martedì mattina nel rione
C’è un appuntamento da non mancare
Per un affare o solo per guardare
Un giro nel mercato è tradizione.

Già da buon’ora si sente gridare
“Cose belle, cose buone, acquistate!
Un’occasione così non la trovate!
È un peccato non approfittare!”

Sotto il sole, tra folla e confusione
E ovunque i passeggini ad intralciare
Si sente un continuo lamentare
Di chi continua a cercare l’occasione.

Non soltanto da Secondigliano
Ci trovi a spasso madri con figliole
Lasciati i bambini nelle scuole
Pur da Casoria, Casavatore, Arzano.

E anche ora qui in terra straniera
Penso già dalla mattina, col magone,
A mamma e mia sorella nella confusione
Di quest’evento al Rione Berlingieri.

Gente, abitudini… per me tutt’è cambiato
E ora anche questo qui mi manca
Ma il martedì comunque, ovunque io vada,
Sempre rimane “il giorno del mercato”.